寫給表哥剛出生的女兒

這幾天我都一直問著我表哥，表嫂什麽時候生？預産期就這幾天了！

今天，911，突然收到表哥的SMS：我的靚女女出生了！

我馬上給我表妹，弟弟打電話，通知所有人！不知道爲什麽莫名地興奮！

再打給表哥，他接電話了：喂...喂，哪位？！

我：你表妹啊！恭喜晒啊！！！個BB幾重啊？

表：多謝多謝......感覺到他的嚥哽，他接著說，我都唔知佢幾重啊，個護士比我睇咗一眼，就抱翻入去了......

聽到他的聲音一直都是顫抖著的，可能第一次做爸爸，很激動！估計另一邊廂的他一定是紅了眼！（討厭啦，搞到我都激動起來！）

這次的激動，就如我第一次看到PINNKY AND YEH的WEDDING的時候的感覺，激動得我～

祝福我的小外甥女，健康成長，像媽媽一樣漂亮，做一個誠實勇敢有用的人！

再次恭喜表哥！他會是一個好爸爸， 一定是！

是因爲太久了，所以想不起來，還是因爲沒有留下印記？

今天看到FACEBOOK上面有兩位以前的同事＋朋友說RESIGNING XXX CO.，覺得很奇怪，剛準備打個長途電話給他們，問因由。當然，這是出于八卦。(當他們問我爲什麽問這個問題的時候，我是回答: just curious)...

翻開CONTACTS，竟然找不到這兩位悉尼朋友的電話，可能是新電話的緣故，我居然沒有把他們的電話號碼記下，大概是我輸入電話到新手機的時候，覺得應該不會給他們打電話了，而且網上又每天都能見，所以便忽略了他們的電話號碼。誰知，今天的我要給他們打電話。

于是我便喃喃自語地在用英文念042...0421...??? Sigh...想了好半天，都沒有結果。“公司電話......”終于讓我找到了一條出路，打回公司～于是我又用英文念了幾個自己熟悉的號碼： 82XX 1299, 顯然，這個不是總機，我也不知道自己打去哪里了？

我心納悶，那兩個朋友的電話是我以前上班的時候每天都打的，爲什麽現在可以在我腦海裡洗刷得那麽乾淨呢？然後我又想測試一下自己的記性，看以前那些悉尼朋友的電話還能不能記得住，我想我還是記得幾個的，那幾個好像是大概就是HOUSEMATE，一個0410，0401，還有一個是以前PERTH朋友的號碼。

然後我總結出來了，是因爲刻骨銘心才記得住，仲使平時每天打的電話都可以忘記，但有些電話號碼，沒有打幾年了，還是會記得住的，不過可能那些讓我記住的電話都停機，不會是我熟悉的人用的了。

或許幸福，只是偶爾笑幾聲，偶爾吃到以前的味道

今日食咗一個對于廣州人嚟講，好西人嘅早餐。Mcdonald's bacon and egg muffin，我同買早餐嗰個同事講：其實呢個係我以前響澳洲嘅DAILY BREAKFAST嚟嘎！食完呢個MUFFIN，突然覺得好幸福，原來我以前日日都咁幸福嘎咩？點解我唔覺嘅？

翻嚟之後，特別係返工之後，覺得生活好難涯，雖然唔係咩辛苦工，大把人辛苦過我，我硬係覺得同人打交道係一件好艱難嘅事，因爲唔同人有唔同嘅相處方式，我甚至有時要改變自己嘅做人方式去遷就某些人，呢個對于一個咁SELF EGO嘅人嚟講係有D困難，所以我有時選擇不去理，不去接觸。

嗰日去睇《大內密探009》，其實劇情係點，我都唔記得晒了，大概就係選駙馬，又間諜，又古天樂新發明咁嘅內容啦。其實情節唔係特別好笑，起碼無以前D家有喜事咁深得我心，或許唔係編劇問題，可能係大個咗，覺得呢D嘢太唔真實，已經唔好笑。

套戲做到差唔多最後嗰時，我竟然有幾個位大聲笑咗出來，旁邊友人問：真係咁好笑咩？前面幾個位好笑好多喔......我解釋唔到，我話：我想大聲笑幾聲芝麻～～～

尋日聽《在晴朗的一天出發》，谷德昭話：其實而家D喜劇趣味性已經失去，祇不過響而家咁嘅時勢，大家係想搵D嘢笑下，開心下.....

大概我就繫因爲咁，笑咗幾聲大嘅！諗翻轉頭，其實一個以前嘅BREAKFAST嘅味道已經令我覺得好幸福，好似響廣州食到西餐係恩賜咁了，咁點解笑一聲有咁難呢？可能我只停留響過去，過去的我確實好幸福，Let's look forward for a happier future, I guess I deserve that...Well......

既然揀咗，就行落去，行落去HK，然後行路上廣州

嗰時嚮SYD打電話翻嚟比阿媽，佢時時都話：“哎呀，唔同你講啦，好熱啊，今日熱到咩咁，好難受......我成身汗啦。”

當然，佢熱嗰時我嗰邊係冬天，我當然感受唔到嗰種熱，我會繼續講我嘅～唔係你嘅事，你唔會有感覺，調轉嚟諗就係：其實你嘅事，係無人會理會！我唔係抹殺晒我D frds，我只係覺得......咁咯！

今日搭巴士翻屋企，準時收工原來係搭唔到巴士噶！部部車都好多人，我慣常嘅做法係上咗不有位座嘅車先，然後再轉車！我今日轉105，PLAN嗰時無諗到105係無冷氣嘅！本來行去巴士站已經有擦不盡嘅汗了，點知轉咗車之後更加不堪！諗起尋日二叔講嗰句：好多人都係咁噶啦.......隱藏在里面的那句沒說出來：咁點解你唔得啊？

車上，我諗起阿媽當時堅决反對我翻嚟廣州，佢時時危言聳聽～而家諗諗好似好有道理！以前嚮澳洲自己一間房，而傢200幾人SHARE；以前可以行路返工，而傢截的士都20蚊......仲有好多數唔清嘅嘢！環境，空氣，待遇，工作壓力，好多好多！

I should have live a better life than now~~~

well, 既然選擇咗，就繼續行落去！行落去行落去，遲早有一日會行咗落去！呢個就係我當初嘅理想, i hope it's on the right track and keep going!

能成爲密友 大概總帶著愛

TVB D連續劇，好少睇唔明嘅，因爲要寫得老少咸宜啊嘛。

《巾幗梟雄》呢出戲，一出來，就贏咗！戲名已經戲一個GIMMICK啦，第三個字，我細佬讀“鳥”，有D人讀“巢”，一開始已經MADE SOME NOICE了。同時，亦紛紛見到朋友嚮MSN度寫道：支持雯女/黎耀祥等老戲骨嘅戲....

無論同朋友行街，家人團聚，甚至外出旅行，人們都會2130趕翻去睇499。四奶奶（499）－好似股票NO.咁添，成爲咗呢出戲嘅名，FB上亦有許多關于呢出戲嘅IQ題，MIND GAME同評論；電臺D DJ都會POSITIVELY MENTIONED呢出戲，要知道，言論自由嘅社會，無論係PROS/CONS都會有人POINT OUT, 當然，講NEGATIVE嘅梗係使勁D噶啦，呢D係人嘅天性！特別係一班伶牙俐齒嘅DJ們，佢地見多識廣...但，我聽到嘅係，大家都係狠勁地贊美呢出戲，好少聽到有NEGATIVE嘅！

不過，又真係好少聽到人話翻屋企睇柴9。

講到是否老少咸宜，我尋晚真係問咗朋友一條問題：究竟柴9係米中意499？佢地兩個係米有嘢？我見到柴9要殺蔣必文嗰刻，499真係話：我唔想少咗一個知己...朋友支吾以對，繼而：我覺得唔係嘅...

啊？你就咁我聽唔係？有無SUPPORT ARGUEMENT啊？咁樣我好難服噶喔？！我明明覺得眼神已經透露...朋友可能覺得我讀甘多書，應該清楚過佢～但語文都無教過點樣睇愛情噶嘛～連屈原係GAY嘅，都無MENTIONED過～

直至今日，李添勝出嚟講，話呢個關係係要大家去揣摩，係一個HOOK嚟嘅～我總係覺得自己多心咗，人地係純粹好友，知己關係，咩人諗/睇咩嘢～

唯一嘅解釋就係：能成爲密友大概總帶著愛 （勞斯.萊斯 何韻詩）

100個贊！

CHEESE CAKE嘅懺悔

請注意，唔係件CHEESE CAKE懺悔，係我，犯案人KHY對自己嘅懺悔！

話說我呢論嚴重地減肥ING，呢個减肥嘅願望跟咗我20幾年，今年終于開始實行。起初减肥並不太成功，從三月開始，斤兩一D都無少過。直至5月頭，體重開始下滑，買衫開始可以細一個碼，就越來越有動力了！

從此，我開始咗：“情越濃，口越淡”嘅生活！

終于嚮尋日，我秉著“食D甜嘢開心D”嘅目標，去埋咗3件CHEESE CAKE諗住同屋企人食，事情就開始越縯越烈了。單單尋晚，我就已經KO咗兩舊，嗰種感覺，如果我無錯，就係男人出去偸食完之後嘅暢快 （雖然我唔係男人）。但男人偸食完，翻去屋企見到老婆嗰種GUILTY法 （當然我係講緊D有良心，但係又要去偸食嘅男人啦），我馬上就深深體會到......所有關于肥胖嘅NEGATIVE嘢出晒嚟：頂住個肚腩，拖住件豬扒，XX臀，XX臂...

嗰一刻真係精神崩潰，一來我D CHEESE CAKE仲未消化完，嘴裏仲殘留絲絲嗰CHEESE+BUTTER香，另一邊箱，我D脂肪又好似慢慢生翻出嚟咁，我仲聽到有D EVIL嘅笑聲："你聽日就會肥番一兩磅噶啦，你D减肥PLAN徹底破壞～～～wakakakkakaka!!!"

你知道呢種矛盾嘅心理幾咁難受～于是，我就搏命灌水，希望可以將D肥嘢沖番出嚟～結果，今朝，要嚟嘅始終要嚟～

因爲我又唔記得咗我BLOGSPOT嘅PW，今日先上番嚟，見到UNCLE BEACH留言比我，興奮到（係咁噶啦～）......！HELLO HONG KONG！ YO YO YO！！！

母親節

母親節前兩天，媽媽頓悟:KHY，后日母親節喔，你有咩表示啊？

我：啊？米買咗對CROCS比你咯～

媽嘟囔：咁就算噶啦？

其實我覺得母親節那天跟媽媽去喝茶就好了，誰知我起來的時候，媽媽不見了！然後我改MSN簽名：母親節，媽媽不見了！

我拿起電話：媽咪，你去咗邊？

媽大聲：我幫阿痲間屋搞衛生啊，你係米嚟啊？

我：梗唔係啦，唔係去飲茶噶咩？

媽：你又無叫我去～～～自己煮飯食啦！

因爲讀書工作的原因，很多年都沒有跟媽媽過母親節了；剛去澳洲的時候還會打個電話回家，或者提前寄張卡寫一些媽媽看到會哭的東西哄哄何老師。人大了，情薄了，母親節，爸爸開始打電話給我，叫我打電話回家！

上一年母親節，朋友約我去喝茶逛街，他說：母親節，我同你慶祝，到時去到飲茶我話你係我阿媽，睇下有無DISCOUNT！

我：咁你俾晒咯，反正有“貢多”DISCOUNT！！！

然後我們去看電影，爸爸就打電話來了：喂，今日母親節喔，你打電話翻去俾媽媽！

我：得啦得啦，睇緊戲啊！！！

還好我們還記得打電話給契媽，要不然那些契姐就開始BOYCOTT我們了！！！